Ministri i Mbrojtjes, Ejup Maqedonci, së bashku me Komandantin e FSK-së, gjenerallejtënant Bashkim Jashari, kanë pritur dhe u kanë uruar mirëseardhje delegacionit të Gardës Kombëtare të IOWA-s së SHBA-së, të kryesuar nga zëvendëskomandanti i Gardës së IOWA-s, gjeneral brigade William F. McClintock dhe Shefja e Shtabit e Gardës Kombëtare Ajrore të IOWA-s, gjeneral brigade Stephanie Samenus.
Ministria e Mbrojtjes njofton se në këtë takim ishin dhe zëvendëskomandanti i FSK-së, gjeneral major Enver Cikaqi dhe Shefi i Stafit në Shtabin e Përgjithshëm të FSK-së, gjeneral brigade Ilir Qeriqi dhe oficerë të tjerë të lartë të FSK-së.
Maqedonci falënderoi Shtetet e Bashkuara të Amerikës dhe në veçanti Gardën Kombëtare të IOWA-s për bashkëpunimin shembullor me FSK-në dhe kërkoi që ky bashkëpunim të thellohet dhe zgjerohet edhe më tej.
“Delegacioni i lartë ushtarak i Gardës së IOWA-s do të qëndrojë për disa ditë në Shtabin e Përgjithshëm dhe komandat e njësitë e FSK-së, ku do të diskutohen prioritete te bashkëpunimit të dy palëve, për periudhën trevjeçare, duke i ndërlidhur me objektivat strategjike të vendosura në mes të Ministrisë së Mbrojtjes të Kosovës dhe Departamentit të Mbrojtjes së SHBA-së, gjatë konsultimeve bilaterale të realizuara gjatë muajit shkurt të këtij viti”, njofton kjo ministri.
Tutje thuhet se thellimi i bashkëpunimit me Gardën Kombëtare të IOWA-s mbetet ndër prioritetet kyqe në kuadër të bashkëpunimit ndërkombëtar./Arbresh.info/
Kurti për “Financial Times”: Do të punoja me këdo në Shtëpin...
Rodri mund të ketë nevojë për operim, pritet të humbasë gjit...
Sveçla: Përgjegjësia për vrasjen e heroit Afrim Bunjaku ësht...
Marina Vjollca rikthehet në Top Channel, nën moderimin e emi...
Krasniqi viziton familjen e Afrim Bunjakut: Ishte një simbol...
IKD: KPK të garantojë transparencë në Draftrregulloren për k...