Ministri i Mbrojtjes, Ejup Maqedonci, ka bërë të ditur se arsimi i ushtarakëve vazhdon të mbetet një prioritet i rëndësishëm për ministrinë që ai udhëheq.
Në një postim në Facebook, Maqedonci theksoi se aktualisht 104 kadetë të Forcës së Sigurisë së Kosovës (FSK) janë të angazhuar në studime në akademitë më të njohura ushtarake në brendësi dhe jashtë vendit, duke përfshirë Shtetet e Bashkuara, Turqinë, Gjermaninë, Mbretërinë e Bashkuar, Kroacinë dhe Shqipërinë.
Ai gjithashtu përmendi se, përveç arsimit akademik, Ministria e Mbrojtjes është duke investuar në ngritjen profesionale të ushtarakëve të FSK-së përmes financimit të shkollimeve dhe trajnime.
“Edukimi i ushtarakëve vazhdon të jetë prioritet i Ministrisë së Mbrojtjes. Njëqind e katër kadetë të FSK-së aktualisht janë duke studiuar në akademitë më të njohura ushtarake brenda dhe jashtë vendit, si në ShBA, Turqi, Gjermani, Mbretëri të Bashkuar, Kroaci dhe Shqipëri. Krahas shkollimit akademik, Ministria e Mbrojtjes është duke investuar në ngritjen profesionale të ushtarakëve të FSK-së përmes financimit të shkollimit dhe trajnimeve”, shkroi ai.
Maqedonci ka theksuar se FSK-ja është në proces të vazhdueshëm të ndërtimit, zhvillimit dhe avancimit në përputhje me standardet e NATO-s./Arbresh.info
Pas Shqipërisë, Von der Leyen viziton Maqedoninë e Veriut
Hoti akuzon Qeverinë për keq menaxhimin e KEK-ut: Energjia e...
Muharrem Jashari u shpall lojtari i muajit dy herë radhazi t...
Ministria e Mbrojtjes shpall konkurs për pranimin e kadetëve...
Tahiri: Na patën lodh “krejt dhe drejt” e sot s’vijnë për de...
Policia spanjolle arreston katër persona për nxitje të urrej...