MAPL dhe shoqata ‘Jetimat e Ballkanit’ nënshkruajnë marrëveshje për ndërtimin e mbi 200 shtëpive në veri

13:04 | 12 Gusht 2024
E.G

Ministri për Administrim dhe Pushtet Lokal, Elbert Krasniqi ka nënshkruar marrëveshje me Halil Kastratin për bashkëfinancimin e ndërtimit të mbi 200 shtëpive në komunat Leposaviq, Mitrovicë Veriore, Zubin Potok dhe Zveçan.

Kështu bëri të ditur vetë ministri me anë të një postimi në Facebook, shkruan Arbresh.info.

“Ministria e Administrimit të Pushtetit Lokal dhe shoqata ‘Jetimat e Ballkanit’, në frymën e bashkëpunimit dhe sigurimit të banimit të qendrueshëm, për banorët e komunave veriore do të ndërtojnë mbi 200 shtëpi duke ju dhënë të drejtë familjëve të realizojnë ëndrrën e tyre për të banuar dhe jetuar në tokat e tyre.”, ka shkruar ministri Krasniqi.

“Mbi 100 shtëpi do të ndërtohen me financim nga Ministria e Administrimit të Pushtetit Lokal dhe mbi 100 nga shoqata “Jetimat e Ballkanit”, si fillim për një jetë e re për këto familje.”,shkroi mes të tjerash ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm