Google ADS

Maliqi kërkon ndryshimin e udhëzimit administrativ që ndalon shaminë në shkolla

10:32 | 23 Shtator 2024
E.H

Drejtori ekzekutiv i Qendrës Kosovare për Paqe, Labinot Maliqi ka kërkuar nga institucionet përkatëse dhe Ministria e Arsimit që të shfuqizojnë udhëzimin administrativ për ndalimin e veshjeve fetare në shkolla.

Maliqi në një konferencë për media tha se një nxënëse në gjimnazin “Bedri Pejani” në Pejë është larguar nga shkolla për shkak të bartjes së shamisë, shkruan Arbresh.info.

“Udhëzimi administrativ është keqkuptues, pavarësisht qëllimit të tij ka dëmtuar të drejtat e njeriut në Kosovë. Dëshirojmë dhe kërkojmë një demokraci edhe më të avancuar se kjo që e kemi veçanërisht në fushën e të drejtave të njeriut dhe lirive fetare. Nxënësja A.D. 18-vjeçare nga gjimnazi “Bedri Pejani” në Pejë u largua nga shkolla me 2 shtator për shkak të bartjes së shamisë”, tha Maliqi.

“Bëjmë thirrje institucioneve përgjegjëse Ministrisë së Arsimit të shfuqizoj paragrafin1.13 të nenit 3 të Udhëzimit Administrativ”, tha ai./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm