Malaj në takim me Orav: Dialogu mes Kosovës e Serbisë të vazhdojë pa vonesa

22:43 | 25 Shtator 2024
E.G

Ambasadori i Shqipërisë, Petrit Malaj është takuar me ambasadorin e BE-së në Kosovë, Aivo Orav.

Me anë të një postimi në Facebook, ai tha se në takim u tha se avancimi i dialogut për normalizim mes Kosovës dhe Serbisë duhet të vazhdojë pa vonesa nën ndërmjetësimin e BE-së, shkruan Arbresh.info.

Tutje, Malaj ka thënë se takimi me ambasadorin e BE-së në Prishtinë, Orav ishte një mundësi e shkëlqyer për tu njohur dhe për të biseduar mbi çështje të rëndësishme si dhe për Kosovën.

“Ky ishte takimi i parë me ambasadorin Orav ku përmes një bashkëbisedimi shumë të hapur theksuan nevojën për avancimin e shpejtë të integrimit të rajonit të Ballkanit Perëndimor në BE, duke evidentuar faktin se avancimi i dialogut për normalizim mes Serbisë dhe Kosovës duhet të vazhdojë pa vonesa nën ndërmjetësimin e BE-së. Integrimi në BE i vendeve tona do të sjellë sigurinë dhe mirëqenien shumë të dëshiruar në rajon”, ka shkruar Malaj./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm