Lëvizja Vetëvendosje ka akuzuar kryetarin e Komisionit Hetimor Parlamentar, Shemsedin Dreshaj dhe anëtarët tjerë të këtij komisioni nga radhët e opozitës se kanë shkelur Ligjin për Hetim Parlamentar dhe rregulloren e Kuvendit.
Sipas deputetit Armend Muja, ky komision ka mbajtur mbledhje pa pasur kuorum, derisa ka përpiluar edhe një draft-raport pa deputetë të pozitës.
“Komisioni ka shkelur rregulloren e Kuvendit dhe Ligjin për Hetim Parlamentar. Në vazhdimësi mbledhjet janë mbajtur në mungesë te kuorumit. Ndërsa është përpiluar edhe një draft-raport në zyrat e PDK-së”, tha ai.
Ndërsa deputeti Arbër Rexhaj, tha se do të kërkojnë nga kryetari i Kuvendit që mbledhja e fundit e komisionit ku u prezantua draft-raporti të mos konsiderohet e mbajtur.
“Drafti i hartuar është bërë për propagandë apo për fushatë. Ne do t’i kërkojmë kryetarit të Kuvendit që kjo mbledhje mos të konsiderohet e mbajtur”, tha deputeti Rexhaj. /rtk
“Ujku i Çeliktë” – Kurti: Më shumë investim në ushtri,...
Gjenden të vdekur tre fëmijë në Francë, policia në kërkim të...
I gatshëm të largohet nga Arabia: Neymarit i ofrohet një meg...
SHBA ndalon linjat ajrore të fluturojnë në Haiti pasi dy avi...
Të paktën 15 të vdekur nga përplasja e të burgosurve në burg...
Elon Musk kritika gjykatësve italianë për çështjen emigrantë...
Skip to content
