Nënkryetari i LDK-së, njëherësh kryetari i Komunës së Gjilanit duket se nuk ka kontrolluar sot Twitterin i cili po gëlon nga deklaratat amerikane për tërheqjen e trupave nga Kosova.
I kontaktuar nga arbresh.info ai tha se nuk e ka lexuar sot Twitterin dhe se nuk mund të komentonte për këto deklarata.
Kujtojmë se ishte i pari senatori David Perdue i cili tha se forcat amerikane kanë ndihmuar në ruajtjen e paqes mes Kosovës dhe Serbisë dhe se tani është Kosova ajo që duhet të bëjë pjesën e vet.
Në të kundërtën SHBA-të do të duheshin të rishqyrtonin praninë e tyre Kosovë.
“Për më shumë se dy dekada, forcat amerikane kanë ndihmuar në ruajtjen e paqes mes Kosovës dhe Serbisë. Tani, me përparimin historik në vështrim, Kosova duhet të bëjë pjesën e vet dhe të shfuqizojë të gjitha detyrat e vendosura ndaj Serbisë. Nëse Kosova nuk është plotësisht e përkushtuar për paqen, atëherë SHBA duhet të rishqyrtojë praninë e saj atje”, kishte shkruar senatori David Perdue.
Duke shpërndarë postimin e Perdue, Trump Jr shkruan se pajtohet dhe se është koha të kthehen ushtarët në shtëpi.
“Pajtohem. Janë 650 trupa amerikanë në Kosovë. Koha t’i kthejmë në shtëpi”, shkruan ai./arbresh.info/
Mbyllet para kohe thirrja publike për aplikim për subvencion...
Shqipëria me ambasadë në Ukrainë, Ernal Filo ambasadori i pa...
Donat Rudhani shënon gol për Luzernin
Roli i Kinës në Ballkanin Perëndimor: Si e shfrytëzon munges...
Vëllaznimi arrin fitoren e dytë në elitën e basketbollit kos...
Guardiola është një ndeshje larg rekordit të tij me Manchest...