Luljeta Aliu nga sot është anëtare e Komisionit të Pavarur të Mediave (KPM).
Për zgjedhjen e saj si anëtare e KPM-së, sot ka vendosur Kuvendi i Kosovës në raundin e parë, me 48 vota pro.
“Me 48 vota, zgjedhet anëtare Luljeta Aliu, kurse për kandidatët e propozuar për zgjedhjen e dy anëtarëve, nga katër kandidatët, s’ka mundur të zgjedhet asnjë anëtar. Nuk e ka arritur asnjëri numrin e 46 votave, sa ishin të nevojshme për t’u zgjedhur anëtar i KPM-së”, tha Konjufca.
Në Kuvend, sot është votuar për tre anëtarë të KPM-së, teksa dy kandidatët tjerë nuk i morën votat e mjaftueshme dhe për ta, kalohet votimi në raundin e dytë.
Para votimit për anëtarë të KPM-së, Sekretari i Federatës Evropiane të Gazetarëve, Ricardo Gutierrez, i ka bërë thirrje kryeministrit Kurti që të mos e lejojë politizimin e mëtutjeshëm të KPM-së.
“Kuvendi i Kosovës pritet që të zgjedhë sot tre anëtarë të ri të Komisionit të Pavarur të Mediave. Jam thellësisht i shqetësuar të dëgjojë që partia në pushtet, Lëvizja Vetëvvendosje, është përgatitur të zgjedhë persona që janë mbështetës publikë të kësaj partie. I bëj thirrje Albin Kurtit të mos lejojë politizimin e mëtutjeshëm të KPM-së”, kishte shkruar Gutierrez.
Deputetët nuk i morën parasysh thirrjet e Federatës Evropiane të Gazetarëve për mosvotim të mbështetësve të Lëvizjes Vetëvendosje, dhe kështu, e ‘shperblyen’ Luljeta Aliun me këtë pozitë mjaft të rëndësishme./Arbresh.info
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite