Sot kryetari i komunës së Drenasit Ramiz Lladrovci ka bërë hapjen e parkingut i cili gjendet mbrapa stacionit të Autobusëve i cili është i hapur nga ora 7:30 deri në ora 23:00.
Parkingu i cili do të zë mbi 110 vetura, do të ketë një çmim befasues, të pa dëgjuar deri tani. Ky parking do t’i kushtojë vozitësve hiq më shumë se 0.20 euro/cent.
Hapja e parkingut erdhi disa ditë pasi anëtari i Nisma për Kosovën Vehbi Berisha përmes një statusi në rrjetin social Facebook kishte shpalosur tri pika se si do të zgjidhej çështja e parkingut në këtë komunë pas fluksit të madh të veturave që ka në stinën e verës.
Njëra nga pikat ishte edhe shfrytëzimi i hapësirës të stacioni i autobusëve ku kjo pikë ka gjetur zbatim nga kryetari Ramiz Lladrovci
Më poshtë mund ti lexoni pikat e propozuara nga asamblisti nga radhët e Nisma për Kosovën Vehbi Berisha:
Janë tri mundësi të ofrohet zgjidhja e përkohshme (sezonale) derisa të ndërtohen parkingjet e përhershme, si në vijim: Komuna e Drenasit mund të lëshoj pjesën e asfaltuar të stacionit të ri të autobusëve në shërbim për parkingje (pse jo mund të jetë edhe me pagesë), po ashtu edhe pjesa e cila ndodhet tek ish-stacioni i vjetër i autobusëve afër rrethit edhe ajo pjesë pse mos të përdoret për parking sidomos në këta dy muaj, si dhe zgjidhja tjetër e cila duhet të mendohet seriozisht për të ardhmen, të behët zgjidhje duke ofruar parkingje private siç bëhet po thuajse në shumicën e qyteteve të Kosovës. Amo problemi kryesor është se këto parkingje nuk bëhen vetvetiu por ata që paguhen për ketë, e që fatkeqësisht paguhen prej taksave tona duhet me mëndu dhe me punu shumë ma seriozisht në ketë drejtim. Prandaj e kam një apel për Policinë tonë, që të kenë mirëkuptim bile për mërgimtarët tanë sepse me të vërtet ata ma së paku kanë faj.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite