Lista Srpska me një falënderim special për Vetëvendosjen

16:17 | 7 Mars 2018
Arbresh.info

Lista Serbe në Kamenicë, nëpërmjet llogarisë së vet në rrjetin social Facebook, e ka falënderuar Lëvizjen Vetëvendosje dhe AAK-në për vullnetin e tyre për integrimin e serbëve dhe e kanë përshëndetur votimin e Bojan Stamenkoviqit për nënkryetar të Kamenicës.

“Në mbledhjen e sotme të Kuvendit Komunal të Kamenicës me 14 vota për, 9 abstenime dhe tri vota kundër, zyrtarisht është zgjedhur Bojan Stamenkoviq për nënkryetar të Komunës për komunitete”, thekson Lista Serbe, shkruan Lajmi.net.

Tutje kjo parti thotë se Lista Serbe së bashku me komunitetet tjera në komunë falënderon pushtetin aktual që e përbëjnë VV-ja dhe AAK-ja në dëshirën politike për integrimin e pakicave në pushtetin ekzekutiv të komunës.

Kryetar i Kamenicës është Qëndron Kastrati nga pjesa e të dorëhequrve të Vetëvendosjes, kurse nënkryetar i parë është Faton Jakupi nga partia e kryeministrit Ramush Haradinaj, AAK.

Shpërndaje në rrjete sociale

Lajmet më të lexuara

Të ngjashme

Foto lajm