Liridon Restelica shkarkohet nga pozita e Kryeshefit Ekzekutiv të NPL Prishtina Parking

19:32 | 22 Gusht 2022
K.B

Është shkarkuar nga pozita e e Kryeshefit Ekzekutiv të NPL Prishtina Parking, Liridon Restelica.

Kjo u bë e ditur përmes një postimi ne facebook nga kryetari i Prishtinës, Përparim Rama.

Kryetari tha se gjatë një mbledhje të jashtëzakonshme të mbajtur sot, Bordi i Drejtorëve të NPL “Prishtina Parking” ka konstatuar se veprimet e Kryeshefit Ekzekutiv, duke përfshirë këtu keqpërdorimin e pozitës.

“Në mbledhjen e jashtëzakonshme të mbajtur sot, Bordi i Drejtorëve të NPL “Prishtina Parking” ka konstatuar se veprimet e Kryeshefit Ekzekutiv, duke përfshirë këtu keqpërdorimin e pozitës, mos informimin e bordit në lidhje me planet dhe projektet investuese të ndërmarrjes e deri tek mospërfillja e Bordit të Drejtorëve, kanë shkaktuar keqmenaxhim të përgjithshëm të ndërmarrjes dhe kanë cenuar imazhin e NPL “Prishtina Parking”, ka thënë Rama.

Ndërsa vendimi për shkarkimin nga pozita e Kryeshefit Ekzekutiv, Liridon Restelica, hyn në fuqi sot, me datë 22.08.2022./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm