Leposaviq, arrestohet një person për posedim të narkotikëve, i konfiskohen edhe një shumë e parave

19:33 | 22 Dhjetor 2021
Përparim Bublaku

Policia e Kosovës, ka arrestuar një person me shtetësi të Serbisë dhe Holandës, në Leposaviq, për posedim të narkotikëve.

Sipas Policisë, në banesën e M.V, janë gjetur katër paketime me substancë narkotike dhe para, 1200 euro dhe 12000 dinarë të Serbisë.

“Hetuesit policorë kanë arritur të lokalizojnë vendbanimin e të dyshuarit në Leshak të Leposavicit. Më pas policia ka kërkuar nga organet e drejtësisë urdhër për kontroll të banesës, pas pranimit të urdhrit policia ka kontrolluar banesën e të dyshuarit. Aty policia ka gjetur dhe konfiskuar: katër paketime me substancë që dyshohet të jetë kokainë me peshë të përgjithshme 1287 (njëmijë e dyqind e tetëdhjetë e shtatë) gr, dhe sekuestruar 1200 (njëmijë e dyqind) euro, 12 000 (dymbëdhjetë mijë) dinarë (monedhë e Serbisë) dhe dy telefona”, thuhet në komunikatë.

Me aktvendim të prokurorit, i dyshuari dërgohet në mbajtje për 48 orë. Hetimet e rastit vazhdohen të hetohen nga Njësia e DHTN-së Mitrovicë Veri./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm