Lekaj: Të gjitha rrugët janë të kalueshme

15:58 | 24 Tetor 2017
Arbresh.info

Ministri i Infrastrukturës, Plal Lekaj, lidhur me gjendjen e rrugëve pas reshjeve të fundit, ka thënë se kanë intervenuar kompanitë e kontraktuar për mirëmbajtjen e rrugëve, shkruan arbresh.info.

“Sot, me të marrë informatat e para se ka probleme në disa segmente të rrugëve, kryesisht malore, për shkak të reshjeve të borës, në disa lokacione është intervenuar nga njësitet e kompanive që i kanë në mbikëqyrje këto rrugë dhe është bërë sanimi i pengesave dhe hapja e rrugëve për qarkullim të automjeteve”, ka thënë Lekaj.

“Konstatojmë se rrugët në drejtim të Kullës, Bajgorës dhe Carralevës, por edhe në segmentet e tjera, janë të kalueshme dhe po mbahen nën vëzhgim për të parë nëse është e nevojshme të ndërhyhet prapë në të njëjtat. Ftojmë të gjitha autoritetet, por edhe qytetarët, që për secilin rast të jenë në kontakt me Ministrinë e Infrastrukturës”, thuhet në deklaratën e ministrit të Infrastrukturës Pal Lekaj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm