Google ADS

LDK: Vrasja e 18 vjeçares, edhe njëherë na përplasi fytyrës realitetin e hidhur

13:43 | 23 Gusht 2021
arbresh.info

Kandidatja e Lidhjes Demokratike të Kosovës për kryetare të Ferizaj në Zgjedhjet Lokale 2021, Sibel Halimi, vlerëson se rasti i vrasjes së vajzës 18 vjeçare, edhe njëherë na përplasi fytyrës realitetin e hidhur në të cilën gjenden vajzat tona.

“Gjuha mizogjeniste, dhuna ndaj grave dhe vajzave janë shndërruar në “normalitet” në shoqërinë tonë. Mjafton të analizohen rrjetet sociale, ku aq lehtësisht, fyerja deri në eliminim është bërë përditshmëri”, shkruan Halimi në Facebook.

Sipas saj, nuk mjafton të tronditemi vetëm nga vrasjet fizike, ne duhet të tronditemi çdo ditë për gjuhën e vrasjes drejtuar vajzave dhe grave e që vrasja fizike, vjen si pasojë e mos ndëshkimit të këtij mentaliteti.

“Ngacmimet seksuale, dhunimet, shantazhi e dhuna ndaj grave janë çështje të cilat duhet të jenë prioritet i secilit prej nesh pa përjashtim”, shkruan ajo./arbresh.info/

Prokuroria zbardhë edhe disa detaje për vdekjen e 18 vjeçares në Ferizaj

Shpërndaje në rrjete sociale

Lajmet më të lexuara

Të ngjashme

Foto lajm