Lidhja Demokratike e Kosovës ka mbajtur sot konferencë për media, ku u kërkua dorëheqja e ministres së Arsimit, Arbërie Nagavci.
Kryetarja e Forumit të Gruas të LDK-së, Jehona Lushaku – Sadriu, ka thënë se LDK-ja kërkon që ministrja e Arsimit, Arbërie Nagavci, të dorëhiqet pas situatës së fundit të krijuar me tekstet shkollore.
Lushaku – Sadriu tha se LDK-ja e do dorëheqjen e Nagavcit edhe për shkeljet sistematike të ligjeve, Kushtetutës dhe anarkisë së krijuar në arsim.
“Një ministre dhe një qeveri e tillë është e dëmshme për Kosovën, prandaj ikja e saj do të duhej të bëhej menjëherë”, u shpreh ajo para gazetarëve.
Tutje, ajo tha se situata e krijuar së fundit po ndodhë për herë të parë në historinë e Kosovës, ku fëmijët po mbesin pa tekste shkollore.
“Sigurimi i teksteve shkollore dhe shpërndarja e tyre falas për nxënësit e nivelit të parë dhe të dytë është e paraparë me ligjin në fuqi, më saktë me Ligjin për Arsimin Parauniversitar. Përveç paaftësisë së qeverisë për menaxhimin e kësaj situate, kjo qeveri me këtë vendim i ka ikur përgjegjësisë duke i ngarkuar prindërit dhe duke shkelur ligjin në fuqi”, tha Lushaku – Sadriu./Arbresh.info/
Leverkuseni ‘demolon’ Feyenoordin në Ligën e Kampionëve
Monaco-Barcelona, formacionet zyrtare
Gjimshti starton ndaj Arsenalit, këto janë formacionet zyrta...
Lëndohen 2 persona nga shpërthimi i një bombole gazi në një ...
Borrel dënon sulmet vdekjeprurëse në Liban: Qëllimi ishte pë...
Arrestohen 22 punonjës e ish-punonjës të Policisë Rrugore, r...