Pas takimit me presidentin e vendit kryetari i LDK-së Isa Mustafa ka treguar se çfarë është biseduar.
Sipas tij nuk është koha për zgjedhje të reja për shkak të situatës së pandemisë.
“Diskutuam për të dalë nga kjo situatë pas mocionit të mosbesimit për qeverinë Kurti. Ne vlerësojmë që nuk është koha të shkohet në zgjedhje të përgjithshme për shkak të situatës së e kemi me pandeminë e koronavirusit, poashtu jemi të bindur se edhe zgjedhjet në këtë periudhë nuk do të na sillnin në një situatë tjetër jashtë asaj që jemi sot”, deklaroi Mustafa.
Mustafa ka kërkuar qeveri të re në bazë të Kushtetutës së Kosovës.
“Ne jemi për të bërë një qeveri e re në bazë të kushtetutës. Kjo qeveri do të kishte për detyrë që me kapacitete të plota të angazhohet në luftën kundër virusit korona, të punojë në zhvillimin ekonomik, sepse do të ballafaqohemi me një situatë të rëndë, dhe po ashtu do të ballafaqohemi me nevojën e dialogut me Serbinë”, tha tutje ai.
I pari i LDK-së i pyetur nëse është diskutuar për ndonjë emër, Mustafa tha se nuk është biseduar për emra konkret./arbresh.info/
https://www.facebook.com/arbresh.info/videos/2791800274203007/
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...