LDK-ja e pavendosur për takimin e fundjavës

11:10 | 21 Nëntor 2019
arbresh.info

Lideri i Vetëvendosjes, Albin Kurti, dhe ai i Lidhjes Demokratike të Kosovës, Isa Mustafa, nuk dihet nëse do të takohen këtë fundjavë.

Asnjë anëtar i kryesisë së LDK-së nuk ishte i gatshëm të tregojë nëse do të ndodhë një takim nesër, apo gjatë vikendit, ashtu siç ishte paralajmëruar këto ditë, shkruan arbresh.info.

Ata bënë homazhe para varrit të anëtarit të Kryesisë dhe veprimtarit të LDK-së, Xhavit Ahmetit, me rastin e 23-vjetorit të vdekjes.

“Me z. Kurti, jam marrë vesh të takohemi në fund të javës. Do të vlerësojmë bashkërisht se ku është arritur me harmonizimin e Programit Qeverisës si dhe për disa çështje që i paraprijnë marrëveshjes për Qeveri”, ka thënë Mustafa, një ditë më parë.

Mustafa ka theksuar se pas certifikimit të rezultateve të zgjedhjeve të 6 tetorit, do të ketë takime me të shpeshta me kreun e Vetëvendosjes./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm