Largohen kamionët e vendosur si barrikada në Jarinjë, situata drejt normalizimit

15:15 | 1 Gusht 2022
arbresh.info

Kamionët e vendosur si barrikada në pikën kufitare të Jarinjës, kanë nisur të largohen dhe situata po shkon drejt normalizimit.

Qeveria e Kosovës dje pas një takimi me ambasadorin amerikan, ku e pranishme ishte edhe presidentja Osmani, mori vendim që të shtyhet për një muaj vendimi për zbatimin e reciprocitetin ndaj Serbisë, për targat dhe dokumentet e identifikimit.

Gjatë së dielës u shënuan disa incidente. Policia konfirmoi se në veri pati të shtëna me armë zjarri dhe disa qytetarë u keqtrajtuan në kufi. Në disa vende policia tha se është shtënë edhe ndaj njësiteve policore, por që nuk ka asnjë të lënduar.

Jarinja dhe Bërnjaku janë të mbyllura për qarkullim, ndërsa pikat kufitare Dheu i Bardhë dhe Medare janë të hapura, por të ngarkuara./TCh/

Shpërndaje në rrjete sociale

Lajmet më të lexuara

Të ngjashme

Foto lajm