Google ADS

Lajçak sot viziton Serbinë, nesër Kosovën

07:32 | 29 Janar 2024
A Z

Emisari i BE-së për dialogun mes Kosovës e Serbisë, Mirolsav Lajçak, fillon vizitën dyditëshe në Kosovë dhe Serbi. Ai do të vizitojë Prishtinën të martën, kurse sot viziton Beogradin.

Miroslav Lajçak në Beograd do takohet me presidentin e Serbisë Aleksandër Vuçiq.

Ndërsa për të martën në Prishtinë është konfirmuar mbajtja e takimit me zëvendëskryeministrin njëkohësisht kryenegociatorin e Kosovës, Besnik Bislimin.

Ende nuk ka konfirmim nëse do mbahet një takim në mes të tij dhe kryeministrit të Kosovës, Albin Kurtit.

Është kjo vizita e parë e të dërguarit të veçantë për dialog në këtë vit. Kjo vizitë, gjithashtu, po zhvillohet në periudhën kur procesi i dialogut është duke vegjetuar.

Vizitat që do t’i bëjë Mirosllav Lajçak, si në Prishtinë, ashtu edhe në Beograd, do të jetë rast që sërish të kërkohet nga palët që të zbatojnë të gjitha pikat e marrëveshjes për rrugën drejt normalizimit të marrëdhënieve përfshirë edhe aneksin e saj./rtk

Shpërndaje në rrjete sociale

Lajmet më të lexuara

Të ngjashme

Foto lajm