Emisari i Bashkimit Europian për dialogun Kosovë-Serbi, Miroslav Lajçak në Bruksel ka pritur të dërguarin e Shteteve të Bashkuara të Amerikës për Ballkanin Perëndimor, Gabriel Escobar.

Lajçak tha se kanë pasur një diskutim të thelluar mbi dialogun me Escobarin.

“I lumtur që mirëpres kolegun dhe mikun tim të mirë, Gabriel Escobar në Bruksel. Së bashku me ekipet tona, ne kaluam dje në një diskutim të thelluar mbi Dialogun, gjendjen dhe rrugën përpara, si dhe çështje të tjera rajonale të Ballkanit Perëndimor”, shkroi Lajçak në rrjetin social X, ish-Twitter.

“Faleminderit për një bashkëpunim të jashtëzakonshëm”, shtoi Lajçak.

Glad to welcome my colleague and good friend 🇺🇸 DAS Escobar to Brussels. Together with our teams, we spent yesterday in an in-depth discussion on the Dialogue, state-of-play and way forëard, as ëell as other Ëestern Balkan regional issues. Grateful for an exceptional cooperation. pic.twitter.com/q8DgthhGpz

— Miroslav Lajčák (@MiroslavLajcak) August 23, 2023

Dialogu është ndërprerë për shkak të tensioneve në veri të vendit, që u rikthyen me futjen e kryetarëve të rinj shqiptarë në objektet komunale në katër komunat e asaj preje.

Prej atëherë ka pasur një angazhim ndërkombëtar për zgjidhjen e krizës dhe uljen e tensioneve.