Lajçak për takimin e fundit me Bislimin dhe Petkoviqin: Fatkeqësisht, nuk arritëm progres për zbatimin e Marrëveshjes

08:17 | 9 Korrik 2024
E.G

I dërguari special i Bashkimit Evropian për dialogun Kosovë-Serbi, Miroslav Lajçak ka folur edhe për takimin që ka pasur javën e kaluar me kryenegociatorët Besnik Bislimi dhe Petar Petkoviq.

Me anë të një postimi në Facebook, ai ka thënë se pas më shumë se shtatë orësh diskutimesh intensive kanë rënë dakord për hapat e ardhshëm konkretë për disa çështje praktike, por jo edhe për zbatimin e Marrëveshjes për rrugën drejt normalizimit, shkruan Arbresh.info.

“Në Bruksel prita kryenegociatorët e Kosovës dhe Serbisë… Pas më shumë se shtatë orësh diskutimesh intensive, ne ramë dakord për hapat e ardhshëm konkretë për disa çështje praktike. Fatkeqësisht, nuk arritëm përparim në tablonë e madhe – zbatimin e Marrëveshjes për Rrugën drejt Normalizimit”, ka shkruar Lajçak./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm