Google ADS

Lajçak paralajmëron bisedime dialogu Kosovë-Serbi javëve në vijim

23:15 | 21 Maj 2023
E.H

I dërguari Special i Bashkimit Evropian për dialogun Kosovë-Serbi, Miroslav Lajçak, ka paralajmëruar diskutime mes ekipeve të negociatorëve të Kosovës dhe Serbisë për javët në vazhdim.

Përmes një postimi në Facebook, Lajçak theksoi se javën e kaluar në bisedimet që i pati me kryenegociatorët e Prishtinës dhe Beogradit për dialogun arritën njëfarë progresi.

“Përderisa kjo javë nis me pikat e tjera të mandatit tim, java e kaluar ishte tërësisht e fokusuar në atë kryesoren – dialogun për normalizim. E nisa duke pritur kryenegociatorët për një raund tjetër të negociatave të dialogut në Bruksel”, shkroi Lajçak.

“Ne diskutuam rrugën përpara për zbatimin e marrëveshjes së 27 shkurtit dhe synuam t’i qartësojmë çështjet që kanë mbetur të hapura. Ndërsa gjetja e bazës së përbashkët mund të jetë sfiduese, ne arritëm njëfarë progresi. Diskutimet tona do të vazhdojnë sërish në javët në vijim”, ka thënë Lajçak./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm