Lajçak: Marrëveshja e Ohrit ishte arritje e jashtëzakonshme, por me zgjedhjet në veri “ramë në mina”

13:33 | 22 Korrik 2023
K.B

I Dërguari i Bashkimit Evropian për Dialogun Kosovë-Serbi, Miroslav Lajçak e ka cilësuar mbajtjen e zgjedhjeve në veri me “shkelje në mina”.

Lajçak ka thënë se marrëveshja e Ohrit mes dyja shteteve ka qenë një arritje e jashtëkonshme në rrugën e normalizimit.

“E dimë saktësisht se cka duhet bërë. Por që ka shumë “mina tokësore” përgjatë kësaj rruge e në të cilat s’duhet shkelur”, është shprehur Lajçak gjatë një interviste për Kurier.

Tutje ai tha se zgjedhjet e mbajtura në prill në veri janë njëra prej minave në të cilat ramë.

“Marrëveshja e marsit është një moment historik në normalizimin e marrëdhënieve ndërmjet Serbisë dhe Kosovës. Ne e dimë saktësisht se çfarë duhet bërë. Por, ka shumë “mina” në këtë rrugë që nuk duhet të ecim mbi to. Zgjedhjet vendore në prill ishin njëra prej tyre dhe, për fat të keq, ne ecëm mbi to”, ka deklaruar Lajçak./Arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm