Ish-deputeti i Aleancës Kosova e Re (AKR), Labinot Tahiri ka aderuar në  Aleancën për Ardhmërinë e Kosovës (AAK) të Ramush  Haradinajt.

Këtë e ka bërë të ditur vet Tahiri përmes një postimi në faqen e tij zyrtare në Instagram.

“Dua ta ndajë me ju një vendim që kam marrë për të ardhmen time dhe qytetarët e mi! Kam vendosur që rrugëtim tim politik ta vazhdojë në AAK-në afër njeriut shumë të respektuar, Gjeneralit Ramush Haradinaj. Aty do të vazhdojmë bashkë në drejtim të realizimit të ideve dhe qëllimeve tona. Ju garantojë se do të mbetem tërë jetën e njëjti: Labi që nuk i ndalon kurrë aktivitetet humanitare dhe që mbanë premtimet e dhëna në fushatë zgjedhore”, ka shkruar ai.

Postimi i plotë i tij:

Të dashur qytetarë,

Tani jemi një me Ramush Haradinaj!

Urime na qoftë.

Kemi kaluar bashkë shumë sfida. Më keni përkrahur në rrugëtimin tim në politikë dhe jam përpjekur që të mos zhgënjeheni nga unë, duke realizuar premtimet që i kam dhënë.

Më keni përkrahur, po ashtu, edhe në aktivitetet humanitare që i kemi bërë bashkë. Jam falënderues përjetësisht për besimin që keni në mua.

Dua ta ndajë me ju një vendim që kam marrë për të ardhmen time dhe qytetarët e mi! Kam vendosur që rrugëtim tim politik ta vazhdojë në AAK-në afër njeriut shumë të respektuar, Gjeneralit Ramush Haradinaj.

Aty do të vazhdojmë bashkë në drejtim të realizimit të ideve dhe qëllimeve tona.

Ju garantojë se do të mbetem tërë jetën e njëjti: Labi që nuk i ndalon kurrë aktivitetet humanitare dhe që mbanë premtimet e dhëna në fushatë zgjedhore!

Nuk do të bëhem kurrë si politikanet e tjerë: Sikur ata që nuk mbajnë premtimet dhe që nuk kanë shpirt human për të ndihmuar njerëzit në nevojë.

Unë e kam humanizmin të lindur, siç e kemi të gjithë shqiptarët. Humanizmin e kemi amanet nga Nëna Terezë. Atë e kam model unë dhe duhet ta ketë secili nga ne.

Ky njoftim që po e bëjë nuk është thjesht një postim i radhës në Facebook. Është një kërkesë për përkrahje nga ana e juaj.

Që nga sot unë do të bëjë maksimumin që do të realizojë idetë e mia përkrahë një njeriu që e respektojë shumë: Ramush Haradinajt.

Nuk më ka zhgënjyer kurrë.

Ai ishte njeriu që në luftë i tregojë Serbisë se Kosova do të bëhet shtet i pavarur.

Në paqe dëshmojë se ka fuqinë e një lideri të vendosur e të pathyeshëm. Vendosi taksën 100 përqind dhe e bëri Ushtrinë e Kosovës në koordinim me miqtë ndërkombtare.

Lufta, taksa e ushtria janë tri arsyet që më bindin se rrugëtimi bashkë me Gjeneralin Ramush Haradinaj do të jetë në interes të gjithë qytetarëve të Kosovës. Do të punojmë bashkë që të mos ju zhgenjejmë për asnjë sekond. Nuk do të kursejë asgjë nga vetja për të realizuar kërkesat e juaja.

Këtë të enjte do të jemi bashkë me Gjeneralin dhe do të bëjë publikisht aderimin në AAK.

Juve, përkrahësve të mi, vendosa të ju njoftojë më herët për vendimin që kam marrë. Kërkojë mirëkuptimin dhe përkrahjën tuaj, në këtë rrugëtim të ri./Arbresh.info

https://www.instagram.com/p/B1qbJQoBnVF/