Salih Morina do ta pasojë Florian Dushin si përfaqësues i LDK-së në KQZ.

Këtë e ka bërë të ditur përmes një postimi në Facebook, vet Morina.

Ai ka thënë se kjo është bërë me propozim të kryetarit të kryesisë së LDK-së.

Ky është postimi i plotë i tij në Facebook:

Të dashur qytetarë, anëtar të Lidhjes Demokratike të Kosovës,

Ju njoftoj se unë nuk do të jem kandidat në zgjedhjet e 6 Tetorit. Me propozim të Kryesisë dhe Kryetarit të LDK-së Akademik Isa Mustafa jam propozuar që ta përfaqësoj Lidhjen Demokratike të Kosovës në Komisionin Qëndror të Zgjedhjeve (KQZ).

Dua të falënderoj gjithë strukturat e degës së LDK-së në Malishevë që më propozuan të jem kandidat për deputet nga Lidhja Demokratike e Kosovës.
Gjithashtu dua ti falënderoj simpatizant e votues të LDK-së për besimin dhe mbështetjen qe i përfaqësova në dy legjislatura të Kuvendit të Kosovës, besim të cilin jam munduar ta kryej me nder dhe përgjegjësi ndaj vendit, subjektit dhe gjithë mbështetësve.

Lidhja Demokratike e Kosovës në këto zgjedhje garon me një ekip fitues, njerz profesional dhe të ndërgjegjshëm me kandidaten për Kryeministre Vjosa Osmani.