Kuvendi mban një minutë heshtje për rreshterin Afrim Bunjaku

12:03 | 28 Shtator 2023
E.H

Kuvendi i Kosovës sot po mbanë seancën e radhës plenare, të parën pas sulmit terrorist në Banjskë ku mbeti i vrarë rreshteri i Policisë së Kosovës, Afrim Bunjaku.

Në nderim të rreshterit Bunjaku, seanca ka nisur me një minutë heshtje me kërkesë të kryetarit të Kuvendit, Glauk Konjufca, shkruan Arbresh.info.

“Më lejoni që në emër të Kuvendit dhe grupeve parlamentare, të kërkoj që ta mbajmë një minutë heshtje për rënien e heroit tonë Afrim Bunjakut, rënien e rreshterit të Policisë së Kosovës në detyrë”, tha Konjufca.

Po ashtu, deputetët e Kuvendit të Kosovës kanë votuar që të ndryshojnë pikat e rendit të ditës, duke propozuar një projektrezolutë lidhur me dënimin e sulmit terrorist serbë më 24 shtator

Kujtojmë se në mëngjesin e 24 shtatorit, njësitet policore të Kosovës u sulmuan me armë zjarri, zolla e granata dore nga bandat kriminale serbe.

Në këtë rast, mbeti i vrarë një polic i Kosovës dhe u plagosën tre të tjerë./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm