Kuvendi i Shqipërisë solidarizohet me Ramush Haradinaj

16:31 | 1 Mars 2017
M. A.

Kryetari i Kuvendit të Shqipërisë Ilir Meta zhvilloi këtë të mërkurë një bisedë telefonike me ish-kryeministrin e Kosovës Ramush Haradinaj, lideri i Aleancës për Ardhmërinë e Kosovës.

Zyra e shtypit pranë kreut të Kuvendit thotë se zoti Meta i shprehu solidaritetin e tij dhe të Kuvendit të Shqipërisë dhe uroi që të marrë fund sa më shpejt ky proces që sipas tij është absurd dhe provokativ.

Kryeparlamentari shprehu dëshirën për tu takuar sa më shpejt me Ramush Haradinaj, në Tiranë ose Prishtinë.

Meta ka pasur edhe më herët bisedë telefonike me kreun e AAK-së në momentin kur ai u arrestua në Francë në kuadër të një urdhër arresti të Serbisë për akuzën e krimeve të luftës.

Haradinaj nesër në ora 9 do të del para gjykatës së Apelit në Colmar.

Shpërndaje në rrjete sociale

Lajmet më të lexuara

Të ngjashme

Foto lajm