Kuvendi do të mbajë edhe një seancë të jashtëzakonshme, para asaj për kufijtë

20:15 | 3 Shtator 2018
Arbresh.info

Seancë e jashtëzakonshme e Kuvendit të Kosovës do të mbahet nesër në orën 9:00. Kjo është vendosur në mbledhjen e Kryesisë e Kuvendit e cila sapo ka përfunduar.
Seanca e jashtëzakonshme pritet të mbahet me kërkesë të kryeministrit Ramush Haradinaj.

Haradinaj ka kërkuar seancë të jashtëzakonshme për të shqyrtuar Propozim-vendimin e Qeverisë për emërimin e Ekipit Negociator për Normalizimin e Marrëdhënieve në mes të Kosovës dhe Serbisë.

Në ndërkohë, një seancë e jashtëzakonshme veç është caktuar për ditën e nesërme, e cila është paralajmëruar për në orën 10:00.

Kryesia e Kuvendit në mbledhjen e sotme ka bërë të ditur se pikë e vetme e rendit të ditës për seancën e nesërme do të jetë debati parlamentar lidhur me angazhimet e Presidentit të Kosovës për përfshirjen e “shkëmbimit të territoreve” apo “korrigjim të kufijve” në dialogun në mes të Kosovës dhe Serbisë.

 

Shpërndaje në rrjete sociale

Lajmet më të lexuara

Të ngjashme

Foto lajm