Google ADS

Kush po i ndërron kahun magjistrales Prishtinë–Pejë

23:00 | 10 Janar 2018
Arbresh.info

Mundësia e ndërrimit të drejtimit të rrugës magjistrale Prishtinë -Pejë ka shqetësuar banorët e katër fshatrave Burim, Rixhevë, Gllarevë dhe Stapanicë.

Ky ndryshim projekti, sipas banorëve, do t’ua vendoste çelësin rreth 80 bizneseve, si dhe shumë punëtorë do të mbeteshin pa punë.

Ata të irrituar me paralajmërimin që rruga e vjetër të mos zgjerohet, por të ndërtohet rrugë e re, thonë se puna e tyre me kaq mori fund, raporton KTV .

Sipas tyre, rruga po zhvendoset për shkak të interesave të personave të caktuar që udhëheqin me shtetin.

Në këto zona ka nisur edhe nënshkrimi i një peticioni kundër ndryshimit të trasesë, të cilin e kanë adresuar te Ministria e Infrastrukturës, si dhe te Avokati i Popullit.

Ndërkaq, zyrtarë të Ministrisë së Infrastrukturës thonë se ende nuk është vendosur drejtimi i vazhdimit të magjistrales.

Shpërndaje në rrjete sociale

Lajmet më të lexuara

Të ngjashme

Foto lajm