Thomas Szunyog është emëruar shef i ri i Zyrës së Bashkimit Evropian në Kosovë.

Szunyog është zëvendës i shefit të Përfaqësisë Çeke në BE dhe ambasador i këtij shteti në Komitetin për politikë dhe siguri në bllokun evropian. Ai në këtë post ka qenë që nga viti 2017, ndërsa pas ardhjes në Bruksel, ka mbajtur postin e drejtorit të departamentit për politikë dhe siguri në Ministrinë e Jashtme çeke, shkruan portali arbresh.info

Shefi i Zyrës së BE-së në Prishtinë ka punuar edhe më parë në rajonin e Ballkanit Perëndimor, pasi ka shërbyer si ambasador i Çekisë në Bosnjë e Hercegovinë dhe në Slloveni.

Posti i shefit të zyrës së BE-së në Kosovë është njëri prej posteve më të larta diplomatike, pasi ka statusin edhe të përfaqësuesit të posaçëm të tillë. Një status të tillë kanë vetëm diplomatët pa detyra specifike dhe ata diplomatë që merren me vende që konsiderohen më problematike.

Szunyog pritet të ketë bashkëpunim të ngushtë edhe me përfaqësuesin e posaçëm të BE-së për dialogun midis Kosovës dhe Serbisë, Mirosllav Lajçak.

Datat dhe faktet:

2014 – 2017 Drejtor në Departamentin e Politikave të Sigurisë

2009 – 2014 Ambasador i Republikës Çeke në Bosnjë dhe Hercegovinë

2008 – 2009 Drejtor, Departamenti i Jug-Lindjes dhe Evropës Jugore

2005 – 2008 Drejtor, Departamenti i Evropës Jug-Lindore dhe Lindore

2001 – 2005 Ambasador i Republikës Çeke në Republikën e Sllovenisë

2000 – 2001 Drejtor, Departamenti i Politikave të Sigurisë

1998 – 2000 Zëvendësdrejtor, Departamenti i Politikave të Sigurisë

1994 – 1998 Sekretar i Dytë, Ambasada Çeke në Sh.B.A.

1993 – 1994 Zyrtar i Tavolinës për Grupin Visegrád dhe Slloveninë, Departamenti i Evropës Qendrore

1992 Ndarja në Ministrinë e Marrëdhënieve Ndërkombëtare të Republikës çeke

1992 Zyrtar për Tavolina për Ukrainën, Departamenti i Evropës Lindore

1992 maj u bashkua me Shërbimin e Jashtëm Çekosllovak / arbresh.info/