Kusari-Lila mbron Kurtin: Ka ndaluar referendumin serb, nuk ka pritur Veselinoviqin dhe Radojciqin në zyrë

11:53 | 19 Janar 2023
K.B

Shefja e grupit parlamentar të VV-së, Mimoza Kusari-Lila, i ka dalë në mbrojtje kryeministrit Kurti në lidhje me kritikat e opozitës për mungesën e sovranitetit në Veri.

Kusari-Lila rikujtoi se Qeveria Kurti është e vetmja që nuk ka lejuar zgjedhjet dhe referendumet serbe të mbahen në Kosovë, teksa ka përmendur takimet e Veselinoviqit dhe Radojciqit nga qeveritë e mëhershme. “Është e pakuptimtë gjithë ky mllef ndaj kryeminstrit Kurti për gjendjen në veri, kur kjo qeveri është e vetmja që ka ndaluar mbajtjen e referendumit serb në Kosovë, ka ndaluar zgjedhjet serbe të mbahen në Kosovë. Ata që kritikojnë janë po ata që kanë pritur në zyret e tyre kriminelët serbë që janë në listë të zezë edhe nga ShBA-të, Zvonko Veselinoviqi dhe Radojciqi.”, tha ajo.

Ajo përmendi edhe sovranitetin në veri, për të cilin tha se kurrë nuk ka qenë i tillë. “Ju po kritikoni për sovranitetin në veri, por sovranitet aty kurrë nuk ka pasur”, theksoi ajo. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm