Kurti viziton Rezidencën e Rugovës: Restaurimi po udhëhiqet nga ekipe profesionale në respekt të vlerave që ka kjo shtëpi

15:15 | 19 Nëntor 2024
K.B

Kryeministri i vendit, Albin Kurti ka vizituar Rezidencën e presidentit historik Ibrahim Rugova.

Kurti ka parë nga afër rezultatin e punës së restaurimit të kësaj rezidence.

“Me ndërhyrjet restauruese që janë drejt përfundimit, Rezidenca e Presidentit historik Ibrahim Rugova do të vazhdojë të ruaj kujtesën mbi njërën ndër periudhat më të rëndësishme të popullit tonë. Sot ishim për të parë nga afër rezultatin e punës deri tash. Restaurimi po udhëhiqet nga ekipe profesionale në respekt të vlerave që ka kjo shtëpi, e cila është pjesë e listës së aseteve të trashëgimisë që mbrohen me ligj”, shkroi Kurti në Facebook.

Kurti thekson se kujdesin ndaj trashëgimisë kulturore tanimë e kanë dëshmuar.

“Në këtë kuadër, po sigurohemi që si institucione të shtetit të mirëmbajmë respektin për figurat qendrore të historisë moderne të Kosovës”, shkroi Kurti./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm