Kryeministri i Republikës së Kosovës, Albin Kurti, vizitoi familjen e luftëtarit të ndjerë të UÇK-së, Mejdi Asllani, i njohur si “Plaku i Maleve.
Sipas kyreministrisë, pas nderimeve në ceremoninë e varrimit të datës 1 shkurt, edhe gjatë kësaj vizite kryeministri shprehu mirënjohjen e thellë dhe vlerësimin e lartë për “Plakun e Maleve”, për plakun e Emshirit, për Mejdi Asllanin, për jetën dhe për veprat e tij, shkruan Arbresh.info.
“Historia dhe sakrifica e luftëtarit Asllani së bashku me familjen e tij, do të jetojnë gjithmonë në zemrat dhe memorien tonë.”, thuhet në njoftim.
Në këtë vizitë për ngushëllime tek familja e Mejdi Asllanit, kryeministri shoqërohej dhe nga ministrja e Punëve të Jashtme dhe Diasporës, Donika Gërvalla, ministri i Mbrojtjes, Ejup Maqedonci, zëvendësministri i Mbrojtjes, Shemsi Syla, deputetët e Kuvendit të Kosovës, Shqipe Selimi dhe Driton Hyseni, si dhe aktivistë të Lëvizjes VETËVENDOSJE!.
Shënimi i kryeministrit Kurti, në librin e kujtimeve të luftëtarit të UÇK-së, Mejdi Asllani:
Plaku i Maleve, Plaku i Emshirit, Mejdi Asllani, ishte luftëtar me zemër e në mendje, patriot në luftë e në paqe, që na ka frymëzuar gjithmonë, e që nuk do ta harrojmë asnjëherë. Akti i tij heroik i 7 marsit 1999 dhe veprimtaria atdhetare e pandalshme tash janë në zemrat e mendjet tona dhe rrojnë aty.
Më 7 mars të vitit 1999, familja e Mejdi Asllanit u sulmua nga katër policë të Serbisë, të cilët e morën peng gjithë familjen Asllani, duke ua mbajtur tytat e automatikëve në kokë dhe në gjoks brenda shtëpisë së tyre, në lagjen Emshir të Prishtinës. Mejdiu ishte pjesëtar i Ushtrisë Çlirimtare të Kosovës, bashkë me të dy djemtë e tij Asllanin dhe Bekimin. Në një ngjarje pabesueshmërisht dramatike, Mejdi Asllani bashkë me djalin e tij Asllanin, arritën ta përmbysin situatën falë bombave të dorës dhe një automatiku që e kishin në shtëpi. Atë ditë ata dhënë një shembull të jashtëzakonshëm të rezistencës./Arbresh.info/
Maqedonci: Thellimi i bashkëpunimit me Gardën e IOWA-s, prio...
“Vera do të bartej në nëntor”, ndryshimet e pabesueshme nëse...
Luiz Ejlli vjen me këngën e re “Picirruke”
I dyshuari për atentatin ndaj Trumpit la një letër që tregon...
Sarrazin folës në Forumin Ekonomik Gjermano-Kosovar
“Përfundove nga tenor në dasmaxhi”, reagon Maestro: Hodha në...