Në takimin e sotëm ndërmjet Kryeministrit të Republikës së Kosovës, Albin Kurti dhe Shefit të Zyrës së Bashkimit Evropian në Kosovë/Përfaqësuesit Special të BE-së, ambasadorit Tomáš Szunyog, u diskutua për fushën e drejtësisë dhe luftimit të korrupsionit.
Kryeministri Kurti tha se Qeveria e Republikës së Kosovës mbetet e përkushtuar për reformën në drejtësi, dhe se vetingun në sistemin e drejtësisë e sheh si procesin më të përshtatshëm që e mundëson atë.
Ai tha se Kosova duhet të mësojë nga përvoja e Shqipërisë dhe ta vë atë në shërbim të një vetingu të suksesshëm, shkruan arbresh.info.
“Ne duam që procesin e vetingut ta bëjmë së bashku me Bashkimin Evropian”, u shpreh kryeministri Kurti, teksa theksoi rëndësinë e partneritetit me Bashkimin Evropian, sidomos pas situatës së krijuar në Ukrainë. Më tej kryeministri tha se angazhimin e Policisë së Kosovës në luftimin e krimit të organizuar dhe korrupsionit duhet ta komplementojmë me prokurorë dhe gjykatës efektiv, të cilëve nuk u mungon as integriteti e as kompetenca”, tha Kurti.
Në anën tjetër ambasadori Szunyog tha se sundimi i ligjit në Kosovë është çështje e rëndësishme për Bashkimin Evropian.
Ai tha se pajtohet për nevojën për një sistem të drejtësisë që është efikas dhe i paanshëm.
Në të njëjtën kohë, ai vlerësoi pozitivisht prioritizimin e agjendës legjislative në fushën e anti-korrupsionit, sikurse edhe gatishmërinë e institucioneve për të bashkëpunuar me Komisionin e Venecias, sikurse në rastin e projektligjit për Këshillin Prokurorial të Kosovës, procesin e vetingut, dhe tash së fundmi projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme./arbresh.info/
SHBA, mbi 160 të vdekur nga uragani Helene që goditi juglind...
Juventusi mbetet pa sulmuesin, Milik sërish në operim
Osmani takoi ministrin gjerman të Bujqësisë, flasin për bash...
Delegacioni kosovarë diskuton për anëtarësimin në KiE me kon...
Të shtëna me armë zjarri në Vushtrri, shoqërohen në polici s...
Konjufca shpreh shqetësimin për hyrjen e pakontrolluar të ma...