Kryeministri i Republikës së Kosovës, Albin Kurti, bashkë me ushtruesen e detyrës së Kryetares së Grupit Parlamentar të Lëvizjes VETËVENDOSJE!, Mimoza Kusari, pritën në takim Drejtorin për Ballkanin Perëndimor në Fondacionin për Liri Friedrich Naumann, Michael Roick.
Kryeministri Kurti pranoi urimet e Roick për mandatin e fuqishëm nga qytetarët dhe Kuvendi i Republikës së Kosovës. Teksa e falënderoi për vizitën, ai e njoftoi z. Roick për menaxhimin e mirë të pandemisë, si një prej dy prioriteteve kryesore të qeverisë, si dhe për hapat e parë drejt reformave të domosdoshme në vendin tonë, me theks të veçantë në sistemin e drejtësisë dhe planet e qeverisë për ringjalljen e ndërmarrjeve publike.
Kurse, Kusari foli për punën e Kuvendit, reformat strukturore në agjencitë e pavarura, të cilat monitorohen nga Kuvendi, si dhe qëllimin e përbashkët për rikthimin dhe ruajtjen e besimit të qytetarëve në institucione publike.
Falë gatishmërisë së të dy palëve për bashkëpunim, në takim u diskutua edhe për fushat e përbashkëta të interesit dhe format për avancimin e tyre.
Fondacioni Friedrich Naumann, i afërt me Partinë e Lirë Demokratike të Gjermanisë (FDP), është një nga shtatë fondacionet e afërta me partitë politike në nivel federal të Gjermanisë./arbresh.info/
“Bota është në zjarr”, Trump reagon pas sulmit me raketa të ...
Më shumë se 100 persona janë duke përgatitur padi kundër rep...
Sa herë në vit duhet t’i prisni flokët? – Këshillat e duhura
Çajrat bimorë që shuajnë dëshirën për cigare
Pas sulmit iranian, Ambasada e Shqipërisë tregon numrat ku q...
Sulmi ndaj Izraelit, Netanyahu: Irani do ta paguajë shtrenjt...