Google ADS

Kurti: Serbët mendojnë se Escobari ua ka frikën, duhet ta kuptojë se bujaria e tij ndaj Serbisë nuk ia vlen

09:06 | 27 Dhjetor 2022
A Z

Kryeministri i vendit, Albin Kurti, vlerëson se në Beograd ekziston mendimi se i dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, i ka frikë serbët.

Kurti, në një intervistë për televizionin “O Kanal” të Bosnjës e Hercegovinës, ka thënë se në sjelljet dhe deklaratat e Escobarit ka lëshime ndaj Beogradit.

Por, Kurti thotë se së shpejti edhe Escobari do ta kuptojë se bujari e tij ndaj Beogradit nuk ja vlen.

“Mendoj se sjellja dhe deklaratat e zotit Escobar ndaj Beogradit janë lëshime. Por, nga ana tjetër, Beogradi nuk i kupton këto lëshime. Ata nuk mendojnë se është një virtyt i Escobar. Ata nuk mund të mendojnë se kjo është bujaria e Amerikës. Ata mendojnë: Ah, këta na kanë frikë. Pra, le të kërkojmë edhe më shumë”.

“Mendoj se edhe zoti Escobar, nëse nuk e ka kuptuar deri tani, do ta kuptojë shumë shpejt se kjo bujari ndaj Beogradit nuk ia vlen”, ka thënë Kurti.

Shpërndaje në rrjete sociale

Lajmet më të lexuara

Të ngjashme

Foto lajm