Kryeministri i Kosovës, Albin Kurti, ka thënë se shtetet e Ballkanit Perëndimor janë më të rrezikuara nga agresioni rus sesa shtetet e Baltikut apo Moldavia.
Ai në një intervistë për “The Independent”, ka theksuar se derisa Rusia për ta zgjeruar agresionin e saj edhe në Baltik e Moldavi, duhet të dërgojë forcat e saja ushtarake, në Ballkan Perëndimor nuk ka nevojë të bëjë.
Kjo sipas tij, sepse e ka Serbinë.
Gjatë kësaj interviste, Kurti ka bërë thirrje për anëtarësimin e Kosovës në NATO.
“Mendoj se Ballkani Perëndimor është në rrezik më të madh sesa shtetet e Baltikut e Moldavia, pasi aty, Rusia duhet të dërgojë një pjesë të forcës së saj ushtarake e në rastin e Ballkanit Perëndimor nuk ka fare nevojë ta bëjë këtë, pasi që Serbia është vlerë shtesë në agresionin e saj ushtarak”.
“Ne duam t’i bashkohemi NATO-s sa më shpejt të jetë e mundur. Po ashtu insistoj që NATO të jetë dukshëm më vigjilente sesa që ishte. Në Moskë e kemi një lider të fuqishëm që po shkëput çdo rrugë të ikjes së tij. Ai nuk është person që duket i gatshëm të largohet në paqe, më tepër do të synojë luftën për zgjerim. Për këtë arsye jemi në rrezik”, tha Kurti.
Sa i përket pushtimit rus të Ukrainës ai ka thënë se është gjenocid.
“Ky agresion ushtarak nuk është më politik. Është gjenocid. Ju shikoni qëllimin gjenocidal, duke filluar nga logjistika e demografia. Kur e sheh se çfarë po ndodh në Kiev, e sheh se po bëhet një Sarajevë e re. Unë shoh se po ndodh një gjenocid, ku shohin territorin pa ty. Kjo po ndodh në Ukrainë”, ka thënë Kurti.
Kryeministri i Kosovës gjendet në vizitë në Londër, ku mori pjesë në Samitin e Investimeve në Ballkanin Perëndimor.
SHBA, mbi 160 të vdekur nga uragani Helene që goditi juglind...
Juventusi mbetet pa sulmuesin, Milik sërish në operim
Osmani takoi ministrin gjerman të Bujqësisë, flasin për bash...
Delegacioni kosovarë diskuton për anëtarësimin në KiE me kon...
Të shtëna me armë zjarri në Vushtrri, shoqërohen në polici s...
Konjufca shpreh shqetësimin për hyrjen e pakontrolluar të ma...