Në konferencën vjetore “Par Progresi”, kryeministri i Kosovës, Albin Kurti, ka thënë se reformat në administratën publike të nisur nga Qeveria janë krejtësisht të bazuara në parimet e Bashkimit Evropian.
Kurti në këtë konferencë ka thënë se Qeveria e tij i ka trajtuar këto reforma me prioritet, raporton arbresh.info
“Nuk përbën më risi fakti që një administratë publike është thelbësore. S’paraqet risi as se këto reforma janë kyçe në programin e Qeverisë tonë. Kosova qartazi e ka përcaktuar orientimin dhe politikat e saj për anëtarësim në Bashkimin Evropian. Kemi ndërmarrë hapa jetikë për këtë, siç është reforma në administratë publike e cila do t’i përgjigjet kohës dhe kontekstit social në vend. Për Qeverinë ka qenë jetik fokusi që procesi në tërësi të jetë në koordinim me vlerat e vendeve të BE-së si meritokracia dhe trajtimi i barabartë.”, ka thënë Kurti.
As këtu, Kurti nuk ka lënë pa kritikuar Qeveritë e kaluara, për të cilat tha se nuk kanë pasur profesionalizëm, meritokraci dhe barazi. Ndërkaq, tregoi për barazinë që sipas tij përmban reforma e Qeverisë së tij. Në udhëheqjet e kaluara në administratën publike kemi pasur mungesë të meritokracisë, profesionalizmit dhe trajnimeve kualitative. Në vitet e shkuara raportet ndërkombëtare i kanë nxjerrë këto vlerësime. Për të parë tash, në sistem kemi një sistem të unifikuar të pagës në sektorin publik dhe po mënjanohen dallimet e mëdha dhe të pabarabarta. Nga 20 herë më shumë, është ulur dallimi në 5. Kjo do të rrisë efikasitetin dhe cilësinë e shërbimeve”, ka deklaruar Kurti.
Në këtë konferencë të organizuar nga Grupi për Studime Juridike dhe Politike, përveç kryeministrit Kurti po merr pjesë edhe shefi i zyrës së BE-së në Kosovë, Tomas Szunyog, dhe ambasadori francez në Kosovë, Olivier Guerot. /arbresh.info/
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...