Sot është zhvilluar mbledhja e katërt e Komitetit të Përbashkët Drejtues mes Qeverisë së Kosovës dhe Ekipit të Kombeve të Bashkuara për Kosovën (UNKT).
Sipas komunikatës për media, mbledhja u mbajt pas zyrtarizimit të krijimit të Fondit të Përbashkët Përshpejtues të Objektivave të Zhvillimit të Qëndrueshëm për Kosovën.
Kryeministri i Kosovës, Albin Kurti ka theksuar se Qeveria mbetet e përkushtuar në avancimin drejt zbatimit të objektivave të zhvillimit të qëndrueshëm dhe Agjendës 2030, në fusha që ndër të tjera përfshijnë sipas tij, shëndetësinë, arsimin, digjitalizimin, agrikulturën, drejtësinë e sigurinë.
Ai është shprehur se krijimin e Fondit të Përbashkët Përshpejtues të Objektivave të Zhvillimit të Qëndrueshëm për Kosovën, si një marrëveshje e rëndësishme që tregon për bashkëpunimin e zgjeruar ndërmjet Qeverisë së Kosovës, donatorëve dhe OKB-së.
“Teksa kemi hyrë në vitin e dytë të zbatimit të Strategjisë Kombëtare për Zhvillim dhe në vitin e katërt të Programit të Qeverisë, i cili përcakton agjendën e përgjithshme kombëtare të reformave dhe investimeve, ne jemi mirënjohës për përpjekjet e institucioneve qeveritare, agjencive të OKB-së dhe partnerëve të tjerë zhvillimorë në përafrimin e këtyre prioriteteve dhe mbështetjen e zbatimit të tyre”, është shprehur Kurti.
Sulmi fizik ndaj kryetarit të Pejës dhe një tjetër personi, ...
Policia shqiptoi mbi 1 mijë e 700 gjoba trafiku për 24 orë
Aksident në Banjë të Malishevës, vdes një person
Gjendet pa shenja jete një person në Leposaviq
A po “braktiset” Lëvizja Vetëvendosje nga deputetët e saj pë...
Rama ndan mesazhin nga takimi me diasporën në New York: Fale...