Kurti: Prodhimi do ta bëjë Kosovën të barabartë me të tjerët

19:46 | 23 Maj 2017
M. A.

Kandidati për kryeministër nga Lëvizja Vetëvendosje, Albin Kurti ka thënë se prodhimi dhe ekonomia duhet të fuqizohen, që Kosova të jetë e barabartë me vendet e ndryshme.

Përmes një postimi në rrjetin social Facebook, ai ka thënë që kjo do të ndryshojë dhe se prodhimi do ta bëjë Kosovën të barabartë me të tjerët.

“Shumica dërmuese e mallrave që i konsumojnë shqiptarët nuk janë të prodhuara nga shqiptarët. Kjo mund të ndryshohet dhe duhet të ndryshohet. Përveç se gjuhë dhe flamur, përveç se kulturë dhe histori, kombi është edhe ekonomi. Ndërkaq, ekonomia kombëtare, dihet se para së gjithash dhe mbi të gjitha është prodhim. Prodhimi do të na bëjë të barabartë edhe me të tjerët, ashtu sikurse rishpërndarja na bën të barabartë brenda vetes”, ka shkruar Kurti.

Shpërndaje në rrjete sociale

Lajmet më të lexuara

Të ngjashme

Foto lajm