Kurti: Populli po na do si asnjëherë më parë

19:32 | 22 Maj 2017
Arbresh.info

Albin Kurti, kandidati i Vetëvendosjes për kryeministër të Kosovës, ka shkruar në llogarinë e tij në Facebook se kohëve të fundit po pranojnë dashuri të madhe nga populli gjithandej Kosovës.

Kurti, që sot ishte për fushatë në Ferizaj, ka shkruar në llogarinë e tij në Facebook se dashuria me popullin është reciproke, po e deshe, të do edhe ai, ka shkruar Kurti.

“Populli nuk të do nëse nuk e don. Populli nuk të braktis, pa e braktisur ti njëherë atë. Neve populli na ka ndihmuar shumë, jo vetëm duke marrë pjesë aktivisht në protesta: prej mikpritjes nëpër shtëpitë e tyre për tubimet e shumta që i zhvillonim, apo qiratë falas për zyrat tona, e deri te votat në zgjedhje e qepët në demonstrata që na i hidhnin nga ballkonet”.

“Tash, populli po na don si asnjëherë më parë. Ne duhet ta duam popullin më shumë se kurdoherë. 11 qershori është ditë me zemër, ditë e dashurisë, ditë e fitores së dashurisë, ditë e fitores së popullit tonë të dashur”.

Shpërndaje në rrjete sociale

Lajmet më të lexuara

Të ngjashme

Foto lajm