Google ADS

Kurti për takimin e mbrëmshëm me Lajçakun: Plani franko-gjerman, duhet të ketë njohjen reciproke në qendër

11:10 | 26 Janar 2023
A Z

Kryeministri i Kosovës, Albin Kurti ka folur sot reth takimit që ka zhvilluar mbrëmë në Kosovë me emisarin e BE-së për dialogun Kosovë-Serbi, Miroslav Lajçak.

Kurti tha se plani i ashtuquajtur franko-gjerman, duhet të ketë njohjen reciproke në qendër.

“Marrëveshja duhet ta ketë njohjen reciproke në qendër sepse vetëm asisoj e bëjmë normalizimin e plotë të raporteve ndërmjet Kosovës dhe Serbisë. Diplomacia fluturuese iu është bashkangjitur edhe takimeve të nivelit të lartë për propozimin e Bashkimit Evropian, të mbështetur nga Gjermania, Franca dhe Shtetet e Bashkuara të Amerikës. Ky propozim i ka pesë fjali në preambulë dhe 10 nene gjithsej. Kur e patëm marrë ne atë më datën 9 shtator, patëm thënë që është bazë e mirë për diskutimet e mëtutjeshme, është një kornizë e platformë dhe e cila na mundëson që të ecim përpara, mirëpo nevojitet një proces negociator i bisedimeve, në mënyrë që ai propozim të bëhet marrëveshje”, ka thënë Kurti./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm