Google ADS

Kurti për djalin e Enver Zymerit: Dëshira e tij për t’i ndjekur hapat e babait na jep shpresë për vendin

10:44 | 27 Korrik 2023
K.B

Kryeministri i vendit, Albin Kurti gjatë ditës së djeshme ka vizituar vendin ku ka rënë ish polici, Enver Zymeri.

Me anë të një postimi në Facebook, Kurti tha se i shoqëruar nga djali i Heroit, Sokolin, kanë vendosur lule të freskëta në vendin ku ka rënë ai 12 vite më parë.

“Bashkë me Sokolin, djalin e heroit Enver Zymeri, vendosëm dje lule të freskëta në vendin ku ka rënë ai, këtu e 12 vite më parë. Enverin do ta kujtojmë gjithmonë sepse përpjekja e tij vetmohuese është edhe e jona: Kosovën e lirë ta bëjmë me sovranitet të plotë, pa krim e korrupsion, me jetë cilësore për të gjithë, pa dallim”, ka shkruar Kurti.

Tutje Kurti ka thënë se sytë e Sokolit janë veç dritë, dhe se dëshira e tij për t’i ndjekur hapat e babait na jep shpresë.

“Sytë e Sokolit janë veç dritë. Dëshira e tij për t’i ndjekur hapat e babait, na jep shpresë se rinia jonë do t’i shërbejë vendit”, tha ai./Arbresh.info/




Shpërndaje në rrjete sociale

Lajmet më të lexuara

Të ngjashme

Foto lajm