Google ADS

Kurti për Demaçin: I qëndrueshëm përtej imagjinatës dhe frymëzues jashtë vetëdijes

13:06 | 27 Korrik 2018
V. S.

I pari i Vetëvendosjes, Albin Kurti, ka kujtuar veprimtarin dhe intelektualin Adem Demaçi, duke e cilësuar si frymëzues të pashoq.

Kurti përmes një shkrimi tha se Baca Adem ishte mësuesi, intelektuali dhe luftëtari i shqipëtarëve.

“Kur nuk kishin shkolla shqiptarët, Adem Demaçi ishte mësues, kur nuk kishin universitet ishte intelektuali i tyre, e kur nuk kishin ushtri ai ishte luftëtari.

Është tallur me vdekjen dhe i ka buzëqeshur rrezikut. I qëndrueshëm përtej imagjinatës dhe frymëzues jashtë vetëdijes. Me kthjelltësi në mendje, me këngë në zemër, me kurriz në trup dhe me fjalët në majë të gjuhës. Bindjet nuk ia ndryshoi as koha e as mosha.

Adem Demaçi ka jetuar gjatë dhe shumë, i tillë do jetë edhe ndikimi i tij: i gjatë në ardhmëri dhe i shumtë ndër brezat që do të vijnë.

Përkulem para jetës dhe veprës së Bacë Adem Demaçit!”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm