Kryeministri i Kosovës, Albin Kurti, tha se institucionet e sigurisë dhe inteligjencës kanë identifikuar inskenime për sulme të reja nga Serbia.
Kurti tha se qëllimi është që të fajësohet Policia e Kosovës dhe se për këtë ata “nuk do të zgjedhin mjet”.
“Institucionet e sigurisë së fundmi kanë hetuar rrezikun në rritje të inskenimit të sulmeve të dhunshme nga grupet e strukturave të Serbisë në Kosovë. Qëllimi i tyre kryesor është fajësimi i Policisë së Kosovës dhe paraqitja e saj si forcë shtypëse mbi serbët e Kosovës. Për ta arritur këtë nuk kanë vënë çmim në tavan. Nuk do të zgjedhin mjet. Mbështetja e grupit terrorist që ka marrë nga Serbia në njërën anë duke i trajtuar si heronj, në anën tjetër duke intensifikuar aktivitetet e ushtrisë pranë kufirit me Kosovën vetëm sa i inkurajuar ata”, tha ai.
Kurti u ka bërë thirrje qytetarëve serb që të jenë të vëmendshëm dhe të vetëpërmbajtur, duke u kërkuar që të mos bien pre e dezinformatave dhe të besojnë në Policinë e Kosovë.
“Fatkeqësisht mbështetja që grupi terrorist ka marrë nga Serbia në njërën anë duke i trajtuar ata si heronj dhe martirë dhe në anën tjetër duke intensifikuar aktivitete e ushtrisë përgjatë kufirit me republikën tonë, vetëm sa i ka inkurajuar ata. Keqpërdorën manastirin e Banjskës me synimin që ti japin ngjyrim fetar, nuk arritën. Ju bëjë thirrje qytetarëve serb që ditëve, javëve dhe muajve në vijim të jeni të vëmendshëm dhe të vetëpërmbajtur nga tytjet dhe aktet e dhunës të inskenuara e dashakeqe. Në Kosovë të gjithë jemi qytetarë të barabartë, nuk ka komunitete të pa dëshiruara”, tha Kurti./Arbresh.info/
Putini paralajmëron Perëndimin se Rusia mund t’i përdorë arm...
Të përzierat ju shqetësojnë? 6 shkakatarët kryesorë dhe çfar...
Margot Robbie shfaq barkun e rrumbullakosur në një bluzë tra...
Man Utd vetëm barazim ndaj Twente në ndeshjen hapëse të Ligë...
Malaj në takim me Orav: Dialogu mes Kosovës e Serbisë të vaz...
Kurti kërkon mbështetjen e Islandës për aderimin e Kosovës n...