Google ADS

Kurti- opozitës: S’do përgjigjem në pyetjet parlamentare pasi ju s’po i votoni marrëveshjet ndërkombëtare

12:07 | 6 Tetor 2023
A Z

Edhe kryeministri i vendit, Albin Kurti ka thënë se nuk do t’u përgjigjet pyetjeve të deputetëve opozitarë të cilët nuk i votojnë marrëveshjet ndërkombëtare.

Kurti gjatë fjalës së tij në seancën plenare të Kuvendit të Kosovës ka thënë se nuk ka pasur kryeministër në Kosovë që nuk i është përgjigjur më me seriozitet pyetjeve parlamentare.

Por, siç u shpreh ai ” nuk mund të përgjigjem në pyetjet parlamentare që nuk vijnë nga ky parlament”.

“Për shkak se nuk po i votoni marrëveshjet, të gjithë deputetët që po i bëjnë pyetjet nuk do ta kenë përgjigjen time, edhe pse tashmë e kam të përgatitur. Duhet të jemi kolegë të të njëjtit shtet, e jemi të njëjtit shtet nëse bëhet fjalë për mbrojtjen e përfaqësimit të interesit publikë e shtetërorë. Nuk ka pasur kryeministër në Kosovën e pavarur që është përgjigjur më me seriozitet në pyetjet parlamentare. Me keqardhje unë nuk mund të përgjigjem në pyetjet parlamentare që nuk vijnë nga ky parlament”, ka thënë Kurti. /Telegrafi/

 

Shpërndaje në rrjete sociale

Lajmet më të lexuara

Të ngjashme

Foto lajm