Kryeministri i Kosovës, Albin Kurti, ka dhënë detaje nga takimi i sotëm që zhvilloi me të dërguarin e BE-së për dialogun, Miroslav Lajçak.

Kryeministri Kurti para mediave ka thënë se ky takim ka qenë vazhdimësi e takimit të 2 majit dhe paka kosovare ka kërkuar zbatimin e marrëveshjeve të arritura, shkruan Arbresh.info.

“Është si vazhdim i takimit të 2 majit që është zhvilluar në Bruksel dhe përgatitje e takimit që do të zhvillohet ndërmjet kryenegociatorëve. Insistimi ynë është ajo se çfarë jemi daakorduar, pra zbatim i plotë i përpiktë i secilit nen pa vonesa e kushte, e dimë që pala tjetër ka bërë deklaratën që marrëveshjen nuk e pranon në përmbajte por vetëm në koncept dhe nëse zbatimi i saj ka kufizime. Për neve këto janë të pa pranueshme dhe ishte e rëndësishme që sot ta konfirmojmë me emisarin Lajçak që marrëveshja është jo me 11 nene nga 27 shkurti në Bruksel dhe me 12 pika aneksi i zbatimin në Ohër”, tha Kurti.

Po ashtu ai tha se synimi ynë është që marrëveshja të ketë implementim të plotë dhe sa më të shpejtë.

Ndërkaq, ai ka bërë të ditur se në javën e ardhshme do të ketë takim të përbashkët ndërmjet kryenegociatorëve.

“Tani jemi të interesuar që të bashkëpunojmë për ta shkuar më tej në vizion për komunitetin e serbëve në Kosovë, sa i përket nivelit adekuat të vet menaxhimit si e sheh neni i 7 shtatë i marrëveshjes së nënshkruar duke mos anashkaluar edhe nenin 10. Ky është synimi i ynë paralelisht me atë që duhet të ketë implementim të plotë dhe sa më të shpejtë. Bisedimet janë duke u zhvilluar dhe pas Kosovës do të shkoj edhe në Serbi dhe javën e ardhme besoj se do të kenë një takim të përbashkët ndërmjet kryenegociatorëve”, shtoi ai.

Ai shtoi se Kosova është në rrugën e normalizimit të marrëdhënieve me Serbinë dhe jo në atë të konfliktit.

“Jemi në rrugën e normalizimit e jo në atë të konfliktit dhe kontributin që situata të dalë jashtë normave. Gjithmonë kemi qenë të tillë”, përfundoi ai./Arbresh.info/