Kryeministri i Republikës së Kosovës, Albin Kurti, ka pritur në takim lamtumirës Gjeneral Jörg Rüter, Drejtor i Ekipit Këshillues dhe Ndërlidhës të NATO-s (NATO Advisory and Liaison Team – NALT).
Ai shprehu mirënjohjen për punën dhe rolin e rëndësishëm të Gjeneralit Rüter gjatë gjithë mandatit të tij, për t’i mundësuar NATO-s të mbështesë zhvillimin e mëtejshëm të organizatave të sigurisë në Kosovë.
Po ashtu, kryeministri i uroi mirëseardhje Gjeneralit Joachim Hoppe, i cili do të pasojë Gjeneralin Rüter në pozitën e Drejtorit të Ekipit Këshillues dhe Ndërlidhës të NATO-s.
Kryeministri Kurti njoftoi ushtarakët e NATO-s për të arriturat gjatë një viti të qeverisjes. Progresi i vendit, porsi të drejtat e qytetarëve, duhen mbrojtur e ruajtur. Kryeministri Kurti dhe Gjenerali Rüter u pajtuan që paqja e qëndrueshme, stabiliteti afatgjatë dhe siguria për të gjithë janë të domosdoshme.
Në këtë takim u bisedua për thellimin e bashkëpunimit ndërinstitucional, në shërbim të sigurisë së të gjithë qytetarëve të Republikës së Kosovës.
Kryeministri theksoi përkushtimin e Qeverisë për Forcën e Sigurisë së Kosovës, për çfarë drejtuesit e Ekipit Këshillues dhe Ndërlidhës të NATO-s siguruan mbështetjen e vazhdueshme brenda mandatit të NALT-it për ndërtimin e kapaciteteve të FSK-së./arbresh.info/
“Bota është në zjarr”, Trump reagon pas sulmit me raketa të ...
Më shumë se 100 persona janë duke përgatitur padi kundër rep...
Sa herë në vit duhet t’i prisni flokët? – Këshillat e duhura
Çajrat bimorë që shuajnë dëshirën për cigare
Pas sulmit iranian, Ambasada e Shqipërisë tregon numrat ku q...
Sulmi ndaj Izraelit, Netanyahu: Irani do ta paguajë shtrenjt...