Kurti mirëpriti gjeneratën e tretë të Programit për Diplomaci Qytetare

19:16 | 8 Tetor 2024
Q L

Kryeministri i Kosovës, Albin Kurti, mirëpriti dhe bashkëbisedoi me gjeneratën e re dhe të tretë të programit për Diplomaci Qytetare.

Përgjatë takimit, Kurti i uroi mirëseardhjen bursistëve duke i falënderuar ata për kontributin e tyre në institucionet e Kosovës, shkruan Arbresh.info.

Ai tha se “Programi për Diplomaci Qytetare është një nga nismat më të rëndësishme të qeverisë sonë për diasporën, gjersa diaspora mbetet një prej shtyllave kryesore të historisë sonë dhe luan një rol kyç në zhvillimin dhe rritjen e shtetit”.

Tutje Kurti, shtoi se diaspora si urë lidhëse mes Kosovës dhe botës, tash është e përfshirë më shumë edhe në kulturë, ekonomi, inovacion dhe zhvillimin e progresin e vendit.

E në fund, Kurti foli për rolin e rëndësishëm që bursistët e kanë përmes këtij programi, për sjelljen e perspektivës dhe aftësive që ndihmojnë në modernizimin dhe zhvillimin e institucioneve publike./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm