Kryeministri i vendit, Albin Kurti ka thënë se është i nderuar me letrën e përzemërt të ish-kryeministrit të Mbretërisë së Bashkuar, Sir Tony Blair.
Me anë të një postimi në Facebook, Kurti thekson se vizita e tij në në 25-vjetorin e çlirimit të vendit na ka nderuar.
“I nderuar me letrën e përzemërt të ish-kryeministrit të Mbretërisë së Bashkuar, Sir Tony Blair. Vizita e tij në 25-vjetorin e çlirimit të vendit na ka nderuar fort, të gjithëve. Mirënjohja e popullit të Kosovës për udhëheqjen tij 25 vjet më parë nuk njeh fund”, shkruan Kurti.
Shefi i ekzekutivit thekson se miqtë e Kosovës, sikurse Sir Tony Blair, janë miq të vërtetë dhe të vërtetës.
Letra e Tony Blair për Kurtin:
I dashur Albin,
Doja t’ju falënderoja shumë për kohën tuaj dje. Ishte kënaqësi të takohesha me ju gjatë vizitës sime në Kosovë gjatë kësaj jave historike dhe isha shumë i lumtur që mora dhuratën e çmuar.
Ishte një nder i vërtetë të vizitoja Kosovën për të shënuar rastin e rëndësishëm të Çlirimit. Miqësia e popullit të Kosovës ka rëndësi të madhe për mua. E ardhmja e kombit të bukur të Kosovës është e ndritshme dhe mezi pres të kthehem sërish një ditë.
Mezi pres të takohemi përsëri së shpejti./Arbresh.info/
FIFA cakton datat dhe vendin e Intercontinental Cup, Real Ma...
Rama përgëzon bashkitë për përkushtimin në Ditën Ndërkombëta...
SHSKUK reagon pas raportimeve për mungesë të produktit Phesg...
Balluku: Skema e re e subvencionimit të ujit, mbështetje për...
Osmani: Zbardhja e vrasjes së kolonel Ahmet Krasniqit është ...
New York Times: Shqipëria do të krijojë “Vatikanin” e bektas...